الشعب المصري…مهموم بالأحداث…أو غافل عنها…لكنه الشارع المصري.
* جبت 2 كيلو لحمة من مرتبي والكيلو الثالث استلفت ثمنه عشان ولادي وعيالهم وأهو عيد والحمد لله.
موظف
* بيدونا اللحمة نصها دهون ويقولولنا يعني نرميها وإحنا سالفين ثمنها أصلا.
بائعة جبنة
* من أحداث ديروط لأحداث فرشوط يا قلبي لا تحزن أهو كل يوم أحداث جديدة.
مدرس ألحان قبطية
* لو واحد غلط ياخد جزاءه حتي لو هايعدموه لكن ليه أقباط ملهومش ذنب يتحملوا نتيجة غلط واحد.
مواطن من قنا
* اضطهاد وفتن طائفية + حب شكلي فقط = صورة مصر قدام العالم.
مدرس رياضة
* لحد أمتي هانفرح بالأغاني الوطنية وفيه فتن طائفية, وأغاني عن العروبة, وفيه احتقان بين الشعوب.
كاتب
* علي فكرة ماليش في الكورة لكن الأحداث إللي حصلت في السودان تخلينا نقف ونطلب كرامة شعبنا خارج مصر.
فنانة
* سمعنا إن فيه معامل هتتخصص في عمل تحاليل إنفلونزا الخنازير, إزاتي تعرف إنها فعلا من وزارة الصحة؟.
موظفة
* يعني لو الواحد حلل وطلعت العينة إيجابية… هيروحوا يعالجوه في بيته ولا هيقبضوا عليه ويرموه في مستشفي حكومة؟!!.
سكرتيرة في شركة خاصة
* عاوزين رقابة علي أصحاب محلات الذهب في المصنعية إللي بياخدوها في البيع والشراء… مش كفاية سعر الذهب النار.
مهندس
* وكمان أم بتقتل ابنها عشان تغيظ أبوه… دي من علامات الساعة ولا إيه إللي حصل في المجتمع!!!.
موظف علي المعاش