غنوة‏ ‏القمر

لما‏ ‏غاب‏ ‏عني‏ ‏القمر
كنت‏ ‏حاسس‏..‏
كنت‏ ‏متأكد‏ ‏ليلتها
إنه‏ ‏مش‏ ‏رايح‏ ‏يطل‏,  ‏ببسمته
وبهجته‏,‏
فوق‏ ‏ليالي‏ ‏اللي‏ ‏جايه
ويبتسم‏ ‏لي‏ ‏من‏ ‏جديد‏..‏
كنت‏ ‏عارف‏ ‏إني‏ ‏مش‏ ‏هاسمع‏ ‏لصوته‏,  ‏وهو‏ ‏يهمس
وهو‏ ‏بيغنيلي‏ ‏وحدي
والكلام‏ ‏يمس‏ ‏وجدي
يرقص‏!  ‏فيصبح‏ ‏المسا‏ ‏نور‏ ‏الصباح‏!‏
والصياح‏ ..  ‏والجراح‏..‏
تتبـدل‏ ‏من‏ ‏حوالي
وف‏ ‏كياني‏ ‏أشهد‏ ‏ان‏ ‏الليلة‏ ‏عيد‏!‏
كنت‏ ‏خايف‏ ‏لما‏ ‏غاب‏ ‏عني‏ ‏القمر
إني‏ ‏فجأة‏ ‏صبحت‏ ‏وحدي
والليالي‏ ‏إللي‏ ‏كنت‏ ‏العمر‏ ‏كله
باستميل‏ ‏نوره‏,  ‏وصوته‏,  ‏وطلته‏,‏
راحت‏ ‏خلاص‏!‏
وإني‏ ‏فجأة‏ ‏بقيت‏ ‏يتيم
أصل‏ ‏مين‏ ‏هو‏ ‏اللي‏ ‏راح‏ ‏يعوض‏ ‏طلته
بابتسامته‏ ‏وغنوته
بس‏ ‏مين‏ ‏هواللي‏ ‏راح‏ ‏يسهر‏ ‏يعلمني‏ ‏بضيه
إني‏ ‏ممكن‏ ‏أبقي‏ ‏زيه
مبتسم‏..  ‏رغم‏ ‏الغيوم
واني‏ ‏لازم‏ ‏كل‏ ‏يوم
أغـني‏ ‏غنوة‏..‏
لجل‏ ‏ما‏ ‏تزول‏ ‏الهموم
واكتشف‏..  ‏إني‏ ‏سعيد‏!‏
لما‏ ‏غاب‏ ‏عني‏ ‏القمر‏..  ‏اكتشفت
إن‏ ‏ليالي‏ ‏اللي‏ ‏جاية
راح‏ ‏تكون‏ ‏أصعب‏ ‏علي
وراح‏ ‏تكون‏ ‏ـ
مهما‏ ‏تنورها‏ ‏النجوم
والشموس‏ ‏علي‏ ‏كل‏ ‏لون‏ ‏ـ
برضه‏ ‏راح‏ ‏يفضل‏ ‏ناقصها
غنوة‏ ‏غناها‏ ‏القمر‏!!‏
طبيب‏  ‏بمستشفي‏ ‏جونز‏ ‏هوبكنز‏ ‏بميرلاند