الشارع‏ ‏المصري‏ ‏يقول

الشعب‏ ‏المصري‏.. ‏مهموم‏ ‏بالأحداث‏.. ‏أو‏ ‏غافل‏ ‏عنها‏.. ‏لكنه‏ ‏الشارع‏ ‏المصري
‏** ‏مكنة‏ ‏وخيط‏ ‏ومقص‏ ‏وآهي‏ ‏دايرة‏, ‏شغال‏ ‏عليها‏ ‏خياط‏ ‏شاطر‏ ‏ويظبط‏ ‏ويفك‏ ‏ويتني‏ ‏وآهي‏ ‏برضه‏ ‏دايرة‏, ‏عايش‏ ‏حياته‏ ‏بكد‏ ‏وكفاح‏ ‏في‏ ‏دنيا‏ ‏دايرة‏ ‏ما‏ ‏بتقفش‏. ‏تزيد‏ ‏الهموم‏ ‏أو‏ ‏تقل‏ ‏المهم‏ ‏إن‏ ‏العجلة‏ ‏محدش‏ ‏يقدر‏ ‏يوقفها‏.. ‏أصلها‏ ‏عجلة‏ ‏الحياة‏.‏
عادل‏ ‏سيحة‏ ‏ترزي‏ ‏من‏ ‏محافظة‏ ‏القليوبية‏ ‏عاوز‏ ‏يتكلم‏ ‏له‏ ‏مشاكله‏ ‏وأحلامه‏ ‏وآراؤه‏, ‏مفصول‏ ‏عن‏ ‏المجتمع‏ ‏وإللي‏ ‏بيحصل‏ ‏فيه‏ ‏أو‏ ‏متصل‏.. ‏المهم‏ ‏إنه‏ ‏واحد‏ ‏من‏ ‏الشارع‏ ‏المصري‏ ‏فيقول‏:‏
‏* ‏بقالي‏ 40 ‏سنة‏ ‏في‏ ‏المهنة‏ ‏دي‏.. ‏يعني‏ ‏باشتغل‏ ‏وأنا‏ ‏عندي‏ 7 ‏سنين‏.‏
‏* ‏دخلي‏ ‏كويس‏ ‏والحمد‏ ‏لله‏ ‏لكن‏ ‏في‏ ‏الزمن‏ ‏إللي‏ ‏إحنا‏ ‏فيه‏ ‏لو‏ ‏الدخل‏ 2000 ‏جنيه‏ ‏مع‏ ‏أربع‏ ‏أولاد‏ ‏والزوجة‏ ‏ما‏ ‏بتقضيش‏.‏
‏* ‏كنت‏ ‏مصمم‏ -‏ولسة‏- ‏علي‏ ‏تعليم‏ ‏ولادي‏.. ‏يعني‏ ‏إللي‏ ‏ما‏ ‏عملتوش‏ ‏يعملوه‏ ‏أولادي‏.‏
‏* ‏ما‏ ‏عرفش‏ ‏في‏ ‏الوزراء‏ ‏غير‏ ‏حبيب‏ ‏العادلي‏ ‏وزير‏ ‏الداخلية‏.‏
‏* ‏إنفلونزا‏ ‏الخنازير؟‏ ‏مالناش‏ ‏دعوة‏ ‏بيها‏ ‏لإننا‏ ‏مش‏ ‏بناكل‏ ‏الخنازير‏.‏
‏* ‏ولا‏ ‏إنفلونزا‏ ‏الطيور‏ ‏نعرف‏ ‏عنها‏ ‏حاجة‏.. ‏غير‏ ‏إن‏ ‏لو‏ ‏الفرخة‏ ‏عندها‏ ‏إنفلونزا‏ ‏مش‏ ‏بناكلها‏.‏
‏* ‏أكتر‏ ‏حاجة‏ ‏بتعجبني‏ ‏في‏ ‏التليفزيون‏ ‏المصارعة‏ ‏الحرة‏ ‏وشوية‏ ‏أخبار‏ ‏علي‏ ‏قدي‏.‏
‏* ‏ما‏ ‏عرفش‏ ‏حاجة‏ ‏عن‏ ‏مجلس‏ ‏الشعب‏ ‏ولا‏ ‏حتي‏ ‏العضو‏ ‏بتاع‏ ‏منطقتنا‏.. ‏أهو‏ ‏كل‏ ‏ما‏ ‏أشوفهم‏ ‏في‏ ‏التليفزيون‏ ‏ألاقيهم‏ ‏بيحكوا‏ ‏مع‏ ‏بعض‏ ‏إحنا‏ ‏مالنا‏.‏
‏* ‏أيوة‏ ‏شفت‏ ‏رئيس‏ ‏أمريكا‏ ‏لما‏ ‏جه‏ ‏مصر‏ ‏وحضرت‏ ‏كلامه‏ ‏في‏ ‏التليفزيون‏ ‏وعلي‏ ‏قد‏ ‏ما‏ ‏فهمت‏ ‏من‏ ‏الكلام‏ ‏إللي‏ ‏إتقال‏ ‏طلع‏ ‏راجل‏ ‏مية‏ ‏مية‏.‏
‏* ‏دخلت‏ ‏في‏ ‏مشروع‏ ‏التوك‏ ‏توك‏ ‏ولاقيته‏ ‏مشروع‏ ‏فاشل‏ ‏ياريت‏ ‏الدولة‏ ‏تلغي‏ ‏التوك‏ ‏توك‏ ‏مافيش‏ ‏منه‏ ‏غير‏ ‏المشاكل‏ ‏والحوادث‏.‏
‏* ‏إحنا‏ ‏بنسمع‏ ‏اليومين‏ ‏دول‏ ‏عن‏ ‏خطف‏ ‏الأطفال‏ ‏هو‏ ‏ده‏ ‏صحيح‏ ‏ولا‏ ‏لأ؟‏.‏
‏* ‏عاوز‏ ‏أوظف‏ ‏ولادي‏ ‏تبع‏ ‏الدولة‏ ‏عشان‏ ‏أضمن‏ ‏لهم‏ ‏مستقبل‏ ‏كويس‏ ‏ومضمون‏.‏
‏* ‏نروح‏ ‏المناطق‏ ‏الجديدة‏ ‏لكن‏ ‏يضمنولنا‏ ‏الأمان‏ ‏فيها‏.. ‏لأن‏ ‏بنسمع‏ ‏عن‏ ‏حوداث‏ ‏كثير‏ ‏فيها‏.‏
‏* ‏لو‏ ‏شفت‏ ‏الرئيس‏ ‏مبارك‏ ‏هقوله‏ ‏في‏ ‏مناطقنا‏ ‏الشعبية‏ ‏فيه‏ ‏غلابة‏ ‏كثير‏ ‏يا‏ ‏ريس‏ ‏تعالوا‏ ‏وشوفوا‏ ‏فيه‏ ‏ناس‏ ‏مش‏ ‏لاقية‏ ‏العيش‏ ‏الحاف‏ ‏وربنا‏ ‏يخليك‏ ‏لينا‏ ‏يا‏ ‏ريس‏.‏