الشارع‏ ‏المصري‏ ‏يقول

الشعب‏ ‏المصري‏…‏مهموم‏ ‏بالأحداث‏…‏أو‏ ‏غافل‏ ‏عنها
‏…‏لكنه‏ ‏الشارع‏ ‏المصري
‏*‏مش‏ ‏عاوزين‏ ‏نمتحن‏ ‏في‏ ‏خيم‏ ‏تاني‏ ‏لأن‏ ‏الجو‏ ‏بيبقي‏ ‏برد‏ ‏جدا‏ ‏في‏ ‏الوقت‏ ‏ده‏,‏وكمان‏ ‏سمعنا‏ ‏عن‏ ‏الحريق‏ ‏اللي‏ ‏حصل‏ ‏في‏ ‏خيم‏ ‏طلبة‏ ‏حقوق‏ ‏طنطا‏..‏يعني‏ ‏الامتحانات‏ ‏في‏ ‏المدرجات‏ ‏أحسن‏100‏مرة‏.‏
طالبة‏ ‏جامعية
‏*‏أنا‏ ‏عاوز‏ ‏أنضم‏ ‏للحملة‏ ‏الشعبية‏ ‏لإلغاء‏ ‏الامتحانات‏,‏يمتحنونا‏ ‏عملي‏ ‏ويدونا‏ ‏تدريبات‏ ‏أحسن‏.‏
طالب‏ ‏جامعي
‏*‏كل‏ ‏يوم‏ ‏سعر‏ ‏جديد‏ ‏لنفس‏ ‏السلعة‏..‏يا‏ ‏ناس‏ ‏فين‏ ‏المسئولين؟
ربة‏ ‏منزل
‏*‏سمعنا‏ ‏إن‏ ‏المسئولين‏ ‏ما‏ ‏يعرفوش‏ ‏حاجة‏ ‏عن‏ ‏ارتفاع‏ ‏الأسعار‏…‏أمال‏ ‏مين‏ ‏اللي‏ ‏يعرف‏ ‏ويوقف‏ ‏الارتفاع‏ ‏الفظيع‏ ‏ده‏.‏
محاسب
‏*‏أخرونا‏ ‏عن‏ ‏الامتحان‏ ‏ربع‏ ‏ساعة‏ ‏عشان‏ ‏مادفعناش‏ ‏المصروفات‏ ‏هماليهم‏ ‏الملف‏ ‏بتاعنا‏ ‏يحجزوه‏ ‏في‏ ‏الآخر‏ ‏لو‏ ‏ما‏ ‏دفعناش‏,‏لكن‏ ‏الامتحانات‏ ‏مش‏ ‏من‏ ‏حقهم‏.‏
طالب‏ ‏في‏ ‏معهد‏ ‏خاص
‏*‏الحاجة‏ ‏الوحيدة‏ ‏اللي‏ ‏رخصت‏ ‏إلي‏ ‏حدما‏,‏أسعار‏ ‏البيض‏ ‏والفراخ‏,‏لكن‏ ‏للأسف‏ ‏عشان‏ ‏إنفلونزا‏ ‏الطيور‏ ‏بس‏.‏
موظف
‏*‏واحد‏ ‏باع‏ ‏كلية‏ ‏مراته‏…‏ولسه‏ ‏الناس‏ ‏هاتبيع‏ ‏بعضها‏ ‏لو‏ ‏الغلا‏ ‏استمر‏.‏
أخصائية‏ ‏اجتماعية
‏*‏أول‏ ‏ما‏ ‏دخلت‏ ‏مصر‏ ‏عانيت‏ ‏في‏ ‏المطار‏ ‏بسبب‏ ‏ضياع‏ ‏الشنط‏ ‏بتاعتي‏ ‏ولقيوها‏ ‏ثاني‏ ‏يوم‏,‏وكمان‏ ‏عانيت‏ ‏في‏ ‏الزحمة‏ ‏داخل‏ ‏القاهرة‏ ‏وعانيت‏ ‏من‏ ‏ومن‏…‏هو‏ ‏فيه‏ ‏إيه؟
مصري‏ ‏عائد‏ ‏من‏ ‏أمريكا
‏*‏حرام‏ ‏يا‏ ‏ناس‏ ‏شباك‏ ‏تذاكر‏ ‏واحد‏ ‏اللي‏ ‏شغال‏ ‏والباقي‏ ‏قافلين‏ ‏وقاعدين‏ ‏جوه‏ ‏هما‏ ‏بيعملوا‏ ‏إيه‏ ‏جوه‏ ‏والناس‏ ‏برة‏ ‏متأخرة‏ ‏علي‏ ‏أشغالها‏.‏
راكب‏ ‏مترو‏ ‏الأنفاق
‏*‏لما‏ ‏حوادث‏ ‏المرور‏ ‏بتحصل‏ ‏كل‏ ‏يوم‏ ‏في‏ ‏عز‏ ‏الصيف‏ ‏أمال‏ ‏في‏ ‏الشتاء‏ ‏والأمطار‏ ‏والشبورة‏ ‏والعواصف‏ ‏إيه‏ ‏اللي‏ ‏بيحصل‏!!‏
مندوب‏ ‏مبيعات