الشارع‏ ‏المصري‏ ‏يقول

‏*‏أنا‏ ‏عاوز‏ ‏أعرف‏ ‏لو‏ ‏فعلا‏ ‏فيه‏ ‏حرب‏ ‏مع‏ ‏إسرائيل‏ ‏كان‏ ‏البلد‏ ‏هيبقي‏ ‏حالها‏ ‏طبيعي‏ ‏كده‏!! ‏ولا‏ ‏دي‏ ‏أخبار‏ ‏جرائد‏ ‏مفبركة‏.‏
موجه‏ ‏لغة‏ ‏عربية
‏*‏إحنا‏ ‏مرعوبين‏ ‏من‏ ‏الانتخابات‏ ‏وإللي‏ ‏ممكن‏ ‏يحصل‏ ‏فيها‏.‏
محاسب
‏*‏كلام‏ ‏كبير‏ ‏وكتير‏ ‏عن‏ ‏الوثيقة‏ ‏وصراع‏ ‏الأحزاب‏, ‏والناس‏ ‏البسطة‏ ‏إللي‏ ‏هاتدي‏ ‏صوتها‏ ‏في‏ ‏الانتخابات‏ ‏مش‏ ‏فاهمة‏ ‏حاجة‏.‏
موظف
‏*‏هي‏ ‏مصر‏ ‏رايحة‏ ‏علي‏ ‏فين؟‏!!‏
صحفي
‏*‏سعر‏ ‏الأنبوبة‏ ‏لو‏ ‏كان‏ ‏دلوقتي‏ 30‏جنيه‏ ‏هايبقي‏ ‏بعد‏ ‏كده‏ ‏بـ‏40‏جنيه‏, ‏بيقولوا‏ ‏أنهم‏ ‏بصدروا‏ ‏الغاز‏.‏
بائع‏ ‏أنابيب‏ ‏في‏ ‏القليوبية
‏*‏لازم‏ ‏نحس‏ ‏بالأمن‏ ‏بوجود‏ ‏قوات‏ ‏الأمن‏ ‏خاصة‏ ‏قبل‏ ‏الانتخابات‏ ‏لأن‏ ‏غير‏ ‏كده‏ ‏الناس‏ ‏هتخاف‏ ‏تروح‏ ‏تنتخب‏.‏
مدير‏ ‏مبيعات
‏*‏سعر‏ ‏الأكل‏ ‏عالي‏ ‏جدا‏ ‏جدا‏ ‏وأنبوبة‏ ‏الغاز‏ ‏كمان‏…‏نروح‏ ‏فين‏ ‏ونعمل‏ ‏إيه‏ ‏ونكمل‏ ‏الشهر‏ ‏إزاي‏.‏
ربة‏ ‏منزل‏ ‏بالقاهرة
‏*‏إحنا‏ ‏مش‏ ‏ناقصين‏ ‏تلوث‏ ‏عشان‏ ‏يعملو‏ ‏لنا‏ ‏مصنع‏ ‏يلوث‏ ‏لنا‏ ‏البيئة‏ ‏أكثر‏.‏
مواطن‏ ‏من‏ ‏دمياط
‏*‏يعني‏ ‏حبكت‏ ‏المحافظات‏ ‏يعملوا‏ ‏فيها‏ ‏مصانع‏ ‏بتروكيماويات‏ ‏مايعملوا‏ ‏في‏ ‏الصحراء‏ ‏ماهي‏ ‏كثيرة‏.‏
مزارع‏ ‏من‏ ‏دمياط
‏*‏عاوز‏ ‏أعرف‏ ‏معني‏ ‏كلمة‏ ‏فلول‏ ‏ومفرد‏ ‏كلمة‏ ‏فلول‏ ‏وجمع‏ ‏كلمة‏ ‏فلول‏…‏إحنا‏ ‏زهقنا‏ ‏من‏ ‏شماعة‏ ‏الفلول‏…‏مانبص‏ ‏لقدام‏ ‏بقي‏.‏
شاب‏ ‏ليسانس‏ ‏آداب
‏*‏بقالي‏ ‏أربع‏ ‏سنين‏ ‏بدور‏ ‏علي‏ ‏شغل‏ ‏عند‏ ‏محامي‏…‏آلاقي‏ ‏كل‏ ‏محامي‏ ‏بيسرح‏ ‏المحامين‏ ‏إللي‏ ‏عنده‏.‏
خريج‏ ‏حقوق‏ ‏من‏ 4‏سنوات
‏*‏لازم‏ ‏الجهات‏ ‏الرقابية‏ ‏تعمل‏ ‏جهدها‏ ‏لمراقبة‏ ‏الأماكن‏ ‏الشعبية‏ ‏وترفع‏ ‏الشعارات‏ ‏الدينية‏ ‏فيها‏.‏
مواطن‏ ‏من‏ ‏حي‏ ‏شعبي‏ ‏بالقليوبية
‏*‏علي‏ ‏كل‏ ‏لون‏ ‏يا‏ ‏أحزاب‏…‏وإللي‏ ‏مايشتري‏….‏
كاتب
‏*‏كل‏ ‏حاجة‏ ‏سعرها‏ ‏بقي‏ ‏نار‏ ‏نار‏ ‏نار‏, ‏حتي‏ ‏فواتير‏ ‏الكهرباء‏.‏
موظف‏ ‏قطاع‏ ‏عام