الشارع‏ ‏المصري‏ ‏يقول

الشعب‏ ‏المصري‏ .. ‏مهموم‏ ‏بالأحداث‏ .. ‏أو‏ ‏غافل‏ ‏عنها‏ .. ‏لكنه‏ ‏الشارع‏ ‏المصري
‏* ‏هو‏ ‏فين‏ ‏الأمن‏ ‏في‏ ‏منطقة‏ ‏العريش‏ ‏عشان‏ ‏يوصل‏ ‏عدد‏ ‏الانفجارات‏ ‏بتاعت‏ ‏الغاز‏ ‏لست‏ ‏مرات‏!!‏
سائق‏ ‏تاكسي
‏* ‏مش‏ ‏لاقيين‏ ‏البنزين‏ ‏لا‏ 80 ‏ولا‏ 90 ‏ولا‏ 100 ‏حتي‏.. ‏نغلي‏ ‏الأجرة‏ ‏ولا‏ ‏نقعد‏ ‏في‏ ‏بيوتنا‏ ‏ولا‏ ‏نعمل‏ ‏إيه؟‏!‏
سائق‏ ‏سيارة‏ ‏أجرة
‏* ‏الحصة‏ ‏إللي‏ ‏بتيجي‏ ‏لنا‏ ‏قليلة‏ ‏قوي‏.. ‏بنوزعها‏ ‏ونستني‏ ‏والناس‏ ‏بتفتكرنا‏ ‏بنهرب‏ ‏البنزين‏.‏
صاحب‏ ‏محطة‏ ‏بنزين
‏* ‏تبقي‏ ‏نيتنا‏ ‏سليمة‏ ‏ونقول‏ ‏إن‏ ‏المشير‏ ‏لبس‏ ‏مدني‏ ‏من‏ ‏غير‏ ‏قصد‏.. ‏ولا‏ ‏نقول‏ ‏إيه‏ ‏الرسالة‏ ‏إللي‏ ‏عاوز‏ ‏يقولها‏ ‏المجلس‏ ‏العسكري‏.‏
موظف
‏* * ‏تعليقا‏ ‏علي‏ ‏سير‏ ‏المشير‏ ‏طنطاوي‏ ‏بملابس‏ ‏مدنية‏ ‏وبدون‏ ‏حراسة‏ ‏في‏ ‏وسط‏ ‏العاصمة‏ ‏الأسبوع‏ ‏الماضي‏.‏
‏* ‏من‏ ‏حقنا‏ ‏نعيش‏ ‏بعد‏ ‏الثورة‏.. ‏من‏ ‏حقنا‏ ‏نتظاهر‏ ‏ونطالب‏ ‏بحقوقنا‏.. ‏أمال‏ ‏نجيب‏ ‏حقنا‏ ‏إزاي‏!!‏
مدرس
‏* ‏إحنا‏ ‏بنلوم‏ ‏علي‏ ‏المعتصمين‏ ‏والمتظاهرين‏, ‏لكن‏ ‏لو‏ ‏اتكلمنا‏ ‏معاهم‏ ‏هنلاقي‏ ‏عندهم‏ ‏حق‏.. ‏لكن‏ ‏الوقت‏ ‏مش‏ ‏مناسب‏.‏
صحفي
‏* ‏مش‏ ‏كل‏ ‏مسئول‏ ‏يشوف‏ ‏التزاماته‏ ‏لحد‏ ‏ما‏ ‏النظام‏ ‏يتغير‏ ‏ولا‏ ‏إيه‏ ‏النظام؟
محاسب
‏* ‏المجاري‏ ‏ضاربة‏ ‏والنور‏ ‏بيقطع‏ ‏كل‏ ‏شوية‏ ‏والخضار‏ ‏غالي‏ ‏والناس‏ ‏ملهية‏ ‏في‏ ‏السياسة‏.‏
موظفة‏ ‏من‏ ‏الخصوص
‏* ‏المدارس‏ ‏الحكومية‏ ‏فيها‏ ‏نظام‏ ‏بيعلم‏ ‏الطالب‏ ‏إزاي‏ ‏يفقد‏ ‏الذوق‏ ‏العام‏.. ‏تعالوا‏ ‏شوفوا‏ ‏المدارس‏ ‏عندنا‏ ‏عاملة‏ ‏إزاي‏.‏
ولي‏ ‏أمر‏ ‏من‏ ‏القليوبية
‏* ‏ياريت‏ ‏لما‏ ‏يهتموا‏ ‏يعملوا‏ ‏ماكينات‏ ‏جديدة‏ ‏كمان‏ ‏يصلحوا‏ ‏القديمة‏ ‏إللي‏ ‏مش‏ ‏هاتشتغل‏ ‏بنظام‏ ‏الكارت‏.‏
راكب‏ ‏في‏ ‏مترو‏ ‏الأنفاق
‏* ‏هو‏ ‏لو‏ ‏حصلت‏ ‏خناقة‏ ‏العادي‏ ‏الناس‏ ‏تبلغ‏ ‏في‏ ‏قسم‏ ‏الشرطة‏.. ‏ولا‏ ‏مافيش‏ ‏أقسام‏ ‏أصلا‏ ‏ولا‏ ‏شرطة‏.‏
بائع