الشارع‏ ‏المصري‏ ‏يقول

‏*‏لو‏ ‏سأت‏ ‏كل‏ ‏مواطن‏ ‏عن‏ ‏هموم‏ ‏وسلبيات‏ ‏عام‏ 2007 ‏هيقولك‏ ‏قصايد‏,‏لكن‏ ‏عن‏ ‏الإيجابيات‏ ‏الكل‏ ‏هيسكت‏.‏
‏”‏شاعر‏ ‏ناشئ‏”‏
‏*‏لازم‏ ‏يكون‏ ‏فيه‏ ‏عقوبة‏ ‏شديدة‏ ‏علي‏ ‏أي‏ ‏سائق‏ ‏يتهاون‏ ‏في‏ ‏عمله‏ ‏خصوصا‏ ‏في‏ ‏القطارات‏ ‏ومترو‏ ‏الأنفاق‏ ‏إللي‏ ‏بتحمل‏ ‏مئات‏ ‏وألوف‏ ‏الناس‏.‏
‏”‏محاسب‏”‏
‏*‏ياتري‏ ‏بعد‏ ‏رجوع‏ ‏مرتضي‏ ‏منصور‏ ‏هيفضل‏ ‏الزمالك‏ ‏في‏ ‏المهالك‏ ‏زي‏ ‏ما‏ ‏هو؟‏!‏
‏”‏مشجع‏ ‏زملكاوي‏”‏
‏*‏نفسنا‏ ‏السنة‏ ‏الجاية‏ ‏ما‏ ‏نسمعش‏ ‏عن‏ ‏ارتفاع‏ ‏أسعار‏ ‏جديدة‏ ‏كفايا‏ ‏إللي‏ ‏شفناه‏ ‏السنة‏ ‏دي‏.‏
‏”‏ربة‏ ‏منزل‏”‏
‏*‏علي‏ ‏فكرة‏ ‏عندنا‏ ‏مناطق‏ ‏كاملة‏ ‏وأحياء‏ ‏جنب‏ ‏بعضها‏ ‏مافيهاش‏ ‏مستشفيات‏ ‏حكومية‏,‏كلها‏ ‏وحدات‏ ‏صحية‏.‏
‏”‏مواطن‏ ‏من‏ ‏الخصوص‏ ‏بالقليوبية‏”‏
‏*‏هيعاقبوا‏ ‏المتهمين‏ ‏في‏ ‏حادث‏ ‏غرق‏ ‏معدية‏ ‏دير‏ ‏مواس‏,‏عشان‏ ‏ما‏ ‏يعملوش‏ ‏كدة‏ ‏تاني‏ ‏طب‏ ‏والضحايا‏ ‏وأهلهم‏ ‏ذنبهم‏ ‏إيه؟كل‏ ‏مرة‏ ‏إللي‏ ‏بيدفع‏ ‏الثمن‏ ‏للإهمال‏ ‏المواطنين‏.‏
‏”‏سيدة‏ ‏من‏ ‏المنيا‏”‏
‏*‏أصحاب‏ ‏المحلات‏ ‏بيعاندوا‏ ‏في‏ ‏بعض‏ ‏كل‏ ‏واحد‏ ‏بيرفع‏ ‏السعر‏ ‏زي‏ ‏التاني‏ ‏ومافيش‏ ‏رقابة‏ ‏علي‏ ‏الأسعار‏.‏
‏”‏فتاة‏ ‏في‏ ‏وسط‏ ‏البلد‏”‏
‏*‏بيدونا‏ ‏بجنيه‏ ‏عيش‏ ‏بس‏ ‏حتي‏ ‏لو‏ ‏وقفنا‏ 3 ‏ساعات‏ ‏في‏ ‏الطابور‏ ‏وباقي‏ ‏الدقيق‏ ‏بيتباع‏ ‏بره‏…‏فين‏ ‏الحكومة‏ ‏والرقابة‏.‏
‏”‏مواطن‏ ‏أمام‏ ‏مخبز‏ ‏شعبي‏”‏
‏*‏علي‏ ‏حس‏ ‏الشائعات‏ ‏أنبوبة‏ ‏الغاز‏ ‏فعلا‏ ‏غليت‏ ‏بعد‏ ‏ما‏ ‏كانت‏ ‏بخمسة‏ ‏جنيه‏ ‏دلوقتي‏ ‏غصب‏ ‏عننا‏ ‏بنشتريها‏ ‏بعشرة‏ ‏جنيه‏ ‏أو‏ ‏أكثر‏ ‏علي‏ ‏حسب‏ ‏جشع‏ ‏البائعين‏.‏
‏”‏موظف‏ ‏بحي‏ ‏شعبي‏”‏
‏*‏مش‏ ‏عارفين‏ ‏نركن‏ ‏عربياتنا‏ ‏أنا‏ ‏وجوزي‏ ‏وولادي‏ ‏لازم‏ ‏يكون‏ ‏فيه‏ ‏حل‏ ‏لتنظيم‏ ‏العربيات‏ ‏تحت‏ ‏العمارات‏ ‏وفي‏ ‏الشوارع‏.‏
‏”‏سيدة‏ ‏من‏ ‏حي‏ ‏راقي‏”‏