الشارع‏ ‏المصري‏ ‏يقول

الشعب‏ ‏المصري‏…‏مهموم‏ ‏بالأحداث‏..‏أو‏ ‏غافل‏ ‏عنها‏…‏لكنه‏ ‏الشارع‏ ‏المصري
‏*‏لازم‏ ‏الإعلام‏ ‏يقدم‏ ‏بأي‏ ‏صورة‏ ‏ويوضح‏ ‏إن‏ ‏مش‏ ‏كل‏ ‏مشكلة‏ ‏عادية‏ ‏تشتعل‏ ‏بسبب‏ ‏أن‏ ‏فيها‏ ‏طرف‏ ‏مسيحي‏ ‏أو‏ ‏طرف‏ ‏مسلم‏,‏عاوزين‏ ‏نشعر‏ ‏إنها‏ ‏مشكلة‏ ‏عادية‏ ‏كأن‏ ‏الطرفين‏ ‏مسيحيين‏ ‏أو‏ ‏مسلمين‏.‏
‏”‏محاسب‏”‏
‏*‏رغم‏ ‏الجهد‏ ‏إللي‏ ‏بذلته‏ ‏أجهزة‏ ‏الأمن‏ ‏في‏ ‏احتواء‏ ‏المشكلة‏ ‏بتاعة‏ ‏قنا‏ ‏لكن‏ ‏الأمن‏ ‏وصل‏ ‏بعد‏ ‏اشتعال‏ 15‏محل‏!!!‏
‏”‏مدرس‏”‏
‏*‏بقالي‏ 15‏سنة‏ ‏بدخن‏ ‏سجاير‏ ‏فمع‏ ‏القرار‏ ‏الجديد‏ ‏بمنع‏ ‏التدخين‏ ‏في‏ ‏الأماكن‏ ‏العامة‏ ‏ده‏ ‏هيساعدني‏ ‏شوية‏ ‏بشوية‏ ‏أقلل‏ ‏التدخين‏ ‏وبعدين‏ ‏أمنعه‏ ‏خالص‏.‏
‏”‏عامل‏”‏
‏*‏رغم‏ ‏إللي‏ ‏بتقدمه‏ ‏الأحزاب‏ ‏من‏ ‏شكل‏ ‏مختلف‏ ‏في‏ ‏المجتمع‏ ‏من‏ ‏معارضة‏ ‏أو‏ ‏تقديم‏ ‏وجهة‏ ‏النظر‏ ‏الأخري‏ ‏للسلطة‏ ‏لكن‏ ‏إللي‏ ‏بيحصل‏ ‏اليومين‏ ‏دول‏ ‏بيهز‏ ‏مصداقية‏ ‏الأحزاب‏.‏
‏”‏عضو‏ ‏جمعية‏ ‏أهلية‏”‏
‏*‏هو‏ ‏غسيل‏ ‏الأموال‏ ‏رجع‏ ‏تاني‏ ‏ولا‏ ‏إيه؟‏!‏
‏”‏سائق‏ ‏تاكسي‏”‏
‏*‏علي‏ ‏فكرة‏ ‏فيه‏ ‏مبدأ‏ ‏أن‏ ‏القانون‏ ‏لا‏ ‏يحمي‏ ‏المغفلين‏,‏فين‏ ‏الحرص‏ ‏وسؤال‏ ‏الناس‏ ‏عن‏ ‏النصابين‏ ‏دول‏ ‏قبل‏ ‏ما‏ ‏يدوهم‏ ‏فلوسهم‏.‏
‏”‏صحفي‏”‏
‏*‏جالي‏ ‏عقد‏ ‏عمل‏ ‏في‏ ‏دولة‏ ‏عربية‏ ‏لكن‏ ‏أنا‏ ‏رفضت‏,‏أهو‏ ‏اتهان‏ ‏في‏ ‏بلدي‏ ‏أفضل‏ ‏ما‏ ‏اتعذب‏ ‏واتهان‏ ‏من‏ ‏حد‏ ‏غريب‏ ‏في‏ ‏بلد‏ ‏تاني‏.‏
‏”‏شاب‏ ‏باحث‏ ‏عن‏ ‏عمل‏”‏
‏*‏لازم‏ ‏يعملوا‏ ‏تطعيمات‏ ‏في‏ ‏المدارس‏ ‏والحضانات‏ ‏لوقاية‏ ‏الأطفال‏ ‏من‏ ‏الأمراض‏ ‏المعدية‏…‏يعني‏ ‏نعمل‏ ‏إيه؟‏ ‏مانوديش‏ ‏ولادنا‏ ‏يتعلموا‏ ‏من‏ ‏الخوف‏ ‏عليهم‏.‏
‏”‏ربة‏ ‏منزل‏”‏
‏*‏أنا‏ ‏استلفت‏ ‏مرتبي‏ ‏الجاي‏ ‏كله‏ ‏عشان‏ ‏عشان‏ ‏ارتفاع‏ ‏الأسعار‏ ‏الرهيب‏ ‏إللي‏ ‏شايفينه‏ ‏خصوصا‏ ‏في‏ ‏فترة‏ ‏العيد‏…‏أعمل‏ ‏إيه؟هاستلف‏ ‏المرتب‏ ‏من‏ ‏الشهر‏ ‏إللي‏ ‏بعده‏.‏
‏”‏موظف‏”‏
‏*‏قياداتنا‏ ‏في‏ ‏المحافظة‏ ‏مش‏ ‏راضية‏ ‏تخلينا‏ ‏نضم‏ ‏صوتنا‏ ‏لموظفين‏ ‏الضرائب‏ ‏العقارية‏ ‏في‏ ‏القاهرة‏…‏لمصلحة‏ ‏مين‏ ‏ده؟‏!!‏
‏”‏موظف‏ ‏ضرائب‏ ‏من‏ ‏الإسكندرية‏”‏
‏*‏ياناس‏ ‏غلو‏ ‏أي‏ ‏حاجة‏ ‏إلا‏ ‏الدواء‏ ‏والعيش‏ ‏والأنبوبة‏,‏مش‏ ‏عاوزين‏ ‏غني‏ ‏ولا‏ ‏مال‏ ‏ولاترفيه‏ ‏ولا‏…,‏عاوزين‏ ‏نعيش‏ ‏بأقل‏ ‏الحاجات‏.‏
‏”‏موظف‏ ‏علي‏ ‏المعاش‏”‏