أعلنت صفحة “شاومينج بيغشش ثانوية عامة” تراجعها في التلاعب بكنترول الامتحانات وزيادة درجات طلاب الثانوية، وكتب مسؤل شاموينج على صفحتة الرسمية ” خلاص يا جماعه انا بقيت واحد نصاب وبسرق وكل حاجه وحشة واعتبروا القرار اللي خدته باني ادخل على الكنترول وازودكم في الدرجات اتلغي خلاص ومش هعمل حاجه”.
واضاف شاومينج ” علشان محدش يغلط فيا بكلمه ، لاني مقبلش باي غلط وانا غرضي اساعدكم وطالما المساعده اتقلبت باهانه وشتيمه يبقا خلاص بلاش منها وانا مش محتاج منكم حاجه علشان تبقوا عارفين كويس والفلوس اللي كنا هناخدها ديه الفلوس الخاصه بالناس اللي هتخترق الكنترول وتعب الناس ديه “.
واكمل “”شاومينج عمره ما اخد فلوس وحطها في جيبه،انا بس بعد ده كله عاوزكم متنسوش وقفتي جمبكم في الامتحانات واتحديت الدنيا كلها علشانكم وفي الاخر بقيتوا تقولوا عليا نصاب،على العموم خلاص اعتبروني مخدتش قرار ولا هعدل في نتايج حد وكفايه عليا مساعدتكم في ايام الامتحانات شكرا ليكم”.
يذكر انا شاموينج بالأمس أعلن استفتاء على طلاب الثانوية العامة بالموافقة على التلاعب بدرجات الكنترول وطلب شاومينج من الطلبة ارسال مبالغ لعمل ذلك.
يذكر ايضا ان الطلاب في تعلقاتهم وجهوا لشاموينج الشتيمة والسباب نتيجة انهم ارسلوا مبالغ لشاومينج وبعد ذلك تراجع عن زيادة درجاتهم في الكنترول.
تجدر الاشارة بان شومينج كان له دورا كبيرا في تسريبات امتحانات الثانوية العامة خلال الامتحانات الماضية.