عبر الكثير من نجوم الفن عن حزنهم الشديد لرحيل زميلهم الشاب عمرو سمير عن الحياة فجأة، قبل أن يودعونهم، وقد شهدوا له بطيب سيرته وحسن أخلاقه.
قالت عنه سلمى صباحي:”عمرو.. يابو ضحكة جنان مبتفارقش وشك.. يابو قلب طفل بكل براءته وطيبته و عناده وغضبه و سذاجته وصراحته.. دايما كنت باعتبرك أخويا الصغير وعشان كده أنا وأنت كنا قريبين وماكناش بنتخانق.. كنت بتشترك معايا في حب فيروز وكنت بتحب صوتي و لما كان يبقى عندي حفلة تختار معايا هغني إيه لفيروز وتطلع في البرنامج تقول سلمى عندها حفلة يوم الجمعة وكلنا هنكون هناك وهنستناكو.. كانوا الناس بييجوا عشان يشوفوك يا عمرو.. كنت جاري وكتير كنت بتوصلني بعد البرنامج و أنت اللي علمتني أقول أذكار المساء و إحنا مروحين في الطريق كنت تقول وأنا أقول وراك، مكنتش تفوّت فرض وكنت بتحب الحياة أوي يا عمرو معقول تمشي كده!
يا عمرو الناس كلها بتحبك وبتدعيلك و حزينة أوي عليك.. ربنا يرحمك رحمة واسعة على أد قلبك الطفل وتكون في الجنه يارب.. شبابيك من غيرك قلّ كتير، والدنيا من غيرك بهجتها هتقل يا عمرو.. مع السلامة ياخويا، أختك سلمى”.
فيما نعاه الفويس أوفر محمد رمضان :”إنا لله وإنا إليه راجعون، أشهد الله العلي العظيم إنك كنت من أفضل الشخصيات الفنية والإعلامية ياعمرو، لاحول ولاقوة إلا بالله العلي العظيم امبارح كان عيد ميلاده وانهاردة وفاته.. اللهم نعوذ بك من موت الفجأة”.
وعبرت المخرجة وفاء رمضان عن حزنها:”وفاة الشاب عمرو سمير .. قلبي وجعني عليه الله يرحمك ويغفرلك.. ادعوله ياجماعة”.
وطلب النجم أحمد السقاء من جماهيره أن يدعوا لعمرو :”الله يرحمك يا عمرو..دعواتكم بالرحمة والمغفرة”.
ودعا الفنان أحمد سعيد عبدالغني له بالرحمة والمغفر:”ربنا يرحمه ويسكنه فسيح جناته”.
وودعه أيضًا الفنان كريم عبد العزيز:”إنا لله وإنا إليه راجعون اللهم اغفر له وارحمه..الفنان عمرو سمير، نسألكم الدعاء”.