انتشرت بعض الصور في ثاني أيام عيد الفطر على “الفيس بوك” لعربية حمراء اللون مليئة بالحلويات والشيكولاتة التى تم لصقها فوق السيارة، ووضع بجانب الحلويات ورقة مكتوب عليها”عيد فطر مبارك .. خد واحدة”.
ونشرت صاحبة البوست انها صورة لعربية بأحدى أحياء القاهرة أراد صاحبها أن يفرح الأخرين بالعيد ففعل هذا بعربيته، وتباينت ردود الافعال بين رواد الفيس البوك.
فهناك من شجع الفكرة فقالت منى: فكرة حلوة فعلا إلى بيفرح الناس ربنا بيفرحه،. وكتب علي:جزاك الله خيرا،، عيد سعيد ليك
علقت وردة البستان: إلي بيعمل خير في العيد ربنا يفرح قلبه طول أيامه،، يا بخت صاحب الفكرة.
بينما سخر أخرون من ردور فعل المارة في الشارع عندما يجدوا العربية ، فكتب محمد علي: انا ممكن أخد العربية نفسها
تسائلت فيبي: راكنه فييين دليني عليها ، وعلق سامح سمير: وهو المصريين هيأخدوا واحدة برضة ! ده يأخدوا العربية باللي فيها مش مع المصريين الحاجات دي.
كما عبر ساهر نبيل عن خوفه من الفكرة قائلا: انا لو عملت كده العيال مش هتخليها 3 دقايق وهيكسروا العربية، ومش بعيد الاقى واحد لمهم وفارشهم على كبوت العربية بيبيعهم