لاقي هشتاج #وسط_البلد تقاعل كبير عبر صفحات مستخدمي وسائل التواصل الاجتماعي فيس بوك وتويتر، الهشتاج الذي يعبر عن التهكم على مصطلحات رواد منطقة وسط البلد، في العاصمة المصرية القاهرة، وهي المنطقة التي شهدت أحدث ثورة الربيع العربي بمصر والمعروفة بأنها ملتقى النشطاء السياسيين.
الهشتاج يعبر عن الرؤية الشبابية “الساخرة ” من أصحاب المصطلحات الغريبة وبمن يستخدم الكلمات الرنانة وتبنى الرؤيا المختلفة، ومدعو الفكر الصادم “والذي تشعر بأنه منطق سليم للوهلة الأولى”، لكن دون أن تلمس لهم فعل حقيقي على أرض الواقع ,فقط تشعر أنه من محترفي الكلام وليس الفعل .
جدير بالذكر الهشتاج لا يعادي المثقفين، ولكنه يركز بالأكثر على مدعي الثقافة .
وأبرز الهشتاجات كانت :
-ف أي حتة يقولك أنا مش بتاع جواز
ف #وسط_البلد يقول الزواج علاقة اجتماعية أثبتت فشلها😂
-أنت متضايق عادي في أي حتة إنما لو دخلت #وسط_البلد هيبقا شكلك “مُنطفئ”
-في كل مكان اسمها الشغالة إنما في #وسط_البلد اسمها الرفيقة الدادة أم عطيات
-يبقى أبوه طارده من البيت عشان فاشل ينزل #وسط_البلد يبقى متحرر من التسلط الأبوي
– برا اسمها وحشتيني، في وسط البلد اسمها مفتقدك #وسط_البلد
– ممكن تبقى جربان إنما في وسط البلد متضامن مع البروليتاريا الرثة.#وسط_البلد
-أنت ممكن تسهر بالليل عادي بس في #وسط_البلد اسمك ولا بتخااااااف
– في أي مكان اسمك صايع في #وسط_البلد ناشط سياسي 😂😂😂😂
-هي ممكن ف أي حته اسمها بتحشش عادي لكن لو ف #وسط_البلد اسمها بتهاش
-بيبقى اسمها أنا كنت بضيع وقت معاكي و زهقت بس ف وسط البلد اسمها طاقة الحب اللي جوايا خلصت ولازم أمشي
#وسط_البلد
-في أي مكان اسمها باشرب قهوة إنما في وسط البلد باحتسي القهوة.
-أنت ممكن تبقى أكبر من سنك و متحمل مسئولية عادي بس في الوسط البلد بتبقى “أنا شعري غامق بس قلبي مطقطق أبيض من زمان”
-في كل مكان اسمها رفيقة.. بس في #وسط_البلد اسمها أوبن رليشن شيب
-أنت ممكن تبقي بتقول كلام ملوش أي لازمة ولا معنى عادي بس طالما في #وسط_البلد يبقى اسمه عُمق 😂😂😂
– أنت ممكن يتقال عليك منافق في أي مكان إنما لو نزلت #وسط_البلد هيتقال عليك مزدوج المعايير وداعم لكافة الآراء 😂
-أنت فالعادي ممكن تبقى إنسان فاشل بس لو ف #وسط_البلد حتبقى إنسان زاهد ذو حظ عاثر ..!
–