#بنتكلم_مصري .. اعمل الـ (صح)

2019-04-14 (09:41 AM)

سامي حرك


[email protected]

عبارة شعبية مصرية، بتقابل (عمل الخير والصواب)، وعموما الأعمال الإيجابية!

الكلمة لها تصاريف كتير فـ المصري والعربي وغيرهم، من الصحة = طريق السلامة، والصحيح = المنهج الحقيقي، والتصحيح = التصويب .. لخ!

كلمة (صح) لها جدر لغوي مصري، من مرحلة الكتابة بالحرف الهيروجليفي:

صح/ صاح = طريق مستقيم (الصراط المستقيم)/ منهج/ وصول للهدف/ أسلوب سليم للتعامل/ مقاربة .. لخ!

……….

(صح) بننطقها بالمصري بصاد مفتوحة، زاي جدرها القديم، وفـ الصورة علامة الفتح الألف، يعني لو عايزين نكتبها زاي ما بننطقها، يبقا لازم نكتبها كده: (صاح), بألف واحدة، من غير مد، والمصري القديم أما كان بيعبر عن المد، بيكرر الألف!

أتكلم اليوم عن الكلمة دي بمناسبة حملة (اعمل الـ صح), اللي مالية شوارعنا دلوقتي، بوضح أصل جدرها من لغتنا المصري الأصلي!

بس ده مش معناه اني بأيد الحملة، ولا حتا بأيد التعديلات!

ملحوظة: هذا المقال مكتوب باللغة المصرية وليس باللغة العربية.. الكلمات قد تبدو بها أخطاء إملائية مقارنة باللغة العربية، لكنها في الحقيقة صحيحة بحسب القواعد اللغوية للغة المصرية.

107

التعليقات