سالى الجباس.. تجيب ماذا أفعل ؟؟؟

2019-02-09 (06:36 PM)


ورد إلينا سؤال من إحدى القارئات عبر صفحة التواصل الإجتماعى

ماذا تفعل الزوجة لمنع زوجها من النظر لأمرأة أخرى؟؟

تجيب سالى : ببساطة العطاء بحب وإخلاص يخلى الراجل ميبصش على واحدة تانية.. و لو مقدرش تضحياتك و حبك و عطاءك يبقى متستنيش منه تغيير… بس ده طبعا مش بيحصل من أول مرة خلى بالك طويل شوية من غير ما تضغطى على نفسك و لا بالصوت العالى و الصراخ

و بلاش تشتكوا كتير . الشكوى المستمرة بتبوخ الحياه…

و خليكى فاكرة إن محدش بيتغير لان الشخصية بتبقى إتكونت خلاص تقبلوا بعض بالعيوب قبل المميزات….

و فى راجل أخره يبص بس … ده ممكن لو زوتى طاقة الحب و الإهتمام و العطاء ،مع الوقت هيتغير و بلاش تدى الموضوع أكبر من حجمه إعملى نفسك مش واخده بالك فى رجاله بتستمتع لما يثير الغيره فيكى إتعاملى بذكاء معاه ….

اما الراجل الخاين متعدد العلاقات النسائية فده متضيعيش وقتك معاه لو كنتى فعلا بتعملى إللى عليكى و بتعرفى تحتويه و تسعيده صح . ساعتها أقولك وفرى مجهودك و طاقه عطاءك لان ده مش بيشبع…

ياريت نتعلم نسعد نفسنا علشان نعرف نسعد إللى مننا..كمان نصيحة لكل البنات زودى مساحة الثقة بينك و بين زوجك و خليكى واثقة من نفسك جدا الراجل بيعشق الست إللى واثقة من نفسها … الأسرة كيان عظيم مينفعش أى حاجة تهده بسرعة ده إنتى تعبتى قوى إنتى و هو و أهلكم علشان يبقى فى بيت.. إبنوا جسور الثقة بينكم البيت مش شوية عفش وأجهزة البيت و الحياة الأسرية قوامها المودة و الرحمة والمغفرة

اتمنى لكم السعادة و الهدوء …

51

التعليقات