وانا سايقة انهارده وقاعدة افكر في الاية اللي بتقول “ان كان الله معنا فمن علينا”..قاعدة افكر فيها من الصبح وهي رايحة جاية في مخي ..لقيت الميكروباص ده في وشي …هي وان كانت في مضمونها عكس الاية -لانها ببساطة اتكال علي الشجاعة الذاتية مش اتكال علي ربنا-الا انها بشوية تركيز ممكن تأكد الاية ..
لوشاكيت في سند ربنا ليك..حتتاكل حاف..
لووثقت في قدرتك الشخصية اللي ممكن تذول في ثانية..حتتاكل حاف
لو اتكلت علي ذراع بشر..و طلع لامؤاخذة اي كلام…حتتاكل حاف
لو ماصدقتش ال٣٦٦ مرة اللي ربنا بيقولنا فيها لاتخف..لو ما صدقتش و امنت ..حتتاكل حاف
اللي حياكلك هي قوة الشر ..اللي مستنية اي ثغرة عدم ايمان منك علشان تتدخلك منها و تاكلك حاف..
كل ما تتشكك.. افتكر داوود النبي..حط نفسك مكانه و شوف عمل ايه علشان ما يتاكلش حاف!!
خالي ايمانك هو نبلتك
#تكفيك_نعمتي