عزيزي ديسمبر

2018-12-30 (09:51 AM)

توماس جمال


تحيه كئيبة، ثم أما بعد أنت كل سنة بتوعد لكن مابتوفيش بوٌعد بتعشم فيك تكون قدم السعد تكون بداية لحياة سعيدة ونهاية لحياتي العادية

تكون نقلة من المرحلة الرمادية لأني مليت من السنين اللي بتتراكم فوق بعضها وأنا عمري مابقاش ليه ملامح

ده أنا حتى فاكر ديسمبر اللي فات كأنه امبارح أنا بخرج من كل سنة خسران ناس ووعود وحاجات
مجاش في بالي أني أخسرهم
ديسمبر اللي فات
عزيزى ديسمبر ..
محتاج أشوف فيك ورد
ولو أنت حتى بتحب الشوكأنا عارف إن كل الشهور سابوك
فـ بقيت كده حزين
لوحتك المفضلة بارود ودم ع الحيطان
عزيزي ديسمبر ..
لازم تيجي ف سنة فرحان إحنا تعبنا سعادتك لسعة البرد بتحسسني بشئ
بيني وبين ربنا واصل أبص للسما وأكلمه
وأشكيله من اللي حاصل وأحكيله عن سمايا اتملت غيوم
وأقوله مطر عليا رضاك يارب أنا قلبي طول السنة ديسمبر ومحتاج لدفــاك

20

التعليقات