“طوبى لمن اخترته وقبلته يا رب ليسكن في ديارك الى الأبد”
عمري ما كنت بفهم كلمه “طوبى” ..دايمًا كنت بترجمها بألف معنى غير معناها الصح ..لحد ما فهمت ..يا بخته ..يا بخته يا رب اللي اخترته يفضل في بيتك على طول وما يروحش !!
يا بخته اللي دخل كنيستك روح و جسد وخرج روح على طول طايرة في السماء..و الجسد كدة كدة فاني..
يا بخته اللي في ساعة كان إنسان خاطئ ورفع قلبه إليك بالصلاة -ودي كانت آخر حاجة يعملها – وبعديها بلحظات بقي قديس ..
يا بخته اللي دمه أتسفك فداء إيمانه بيك
يا بخته لأنك اخترته واخترتهم علشان ما يكملوش في عالم كله شر
يا بختهم كلهم يا رب لان أعينهم تراك ولا ترى سواك ..
طوبى لهم وطوبى للحزانى على فراقهم ..لأن تعزيتهم هتكون من عندك ..
طوبى لمن خطف الملكوت ..بقلب مرفوع بتوبة و صلاة
#تكفيك_نعمتي