الفقرة بتاعة تغيير ملايات السراير دي بينتج عنها كومة غسيل تجيب الهم!
بياخدوا مكان كدة ويعملوا زحمة، وبحس اني عندي غسيل اسبوع فوق بعض !! فأول حاجة ببتدي بيها في جدول الغسيل بتكون الملايات ! اول حاجة بكون عايزة اخلص منها، بحس أن الضغط خف والمنظر بقي مريح للعين في سلة الغسيل ، وممكن أحط الغطاء بقى و اقفل علي باقي الغسيل لحد ما .
يجي دوره …وبتشجع اني اغسل اللي فاضل بسرعة لاني بكون سعيدة بالانجاز واخلص.
ابدأ نضف جواك من الخطايا الكبيرة الاول ..اللي باينة لنفسك و لغيرك بالعين المجردة ..و بعدين اقفل على نفسك وكمل تنضف وتتخلص من باقي الخطايا لحد ما تبقى فل ! ويزيل عنك الهم
أعرف أن خطاياك ممكن تأذي بيها غيرك كمان ..غضبك ..كسلك..شهوتك..كلامك الجارح ..وفي الاكبر كمان ..
كلهم خطايا ..
ريح عين اللي حواليك معاك ..زي ما هتريح نفسك خليهم لما يشوفوك يشوفوا غسيل نظيف و ريحته حلوه و مش مؤذي للعين ولا الروح
#تكفيك_نعمتي