أعرب الإعلامي أسامة كمال، عن حزنه الشديد بعد سماع خبر انتحار طالب بالثانوية العامة، لعدم حصوله على مجموع جيد، بسبب مشاكل نفسية.
وأضاف كمال، خلال برنامجه”مساء dmc”، اليوم الجمعة، أن “امبارح وأنا مستضيف بعض أوائل الثانوية العامة، عكس التيار، طلبت منهم كل واحد يوجه رسالة لشاب تاني ماتوفقش بالنجاح أو ما جابش المجموع اللي يتمناه، الولاد رغم سنهم الصغير وجهوا النصيحة لزملائهم إنها مش نهاية العالم، وأن ربنا ممكن يكون محوش للي ماتوفقش حاجة أحسن”.
وتابع كمال، “هذا كلام أحسن بكتير من اللي أنا قلته في مقدمة البرنامج وخاطبت اللي ماتوفقوش، بس صعب إن حد يكون محبط من النتيجة وزعلان هيقعد يتفرج على أسامة كمال، في التليفزيون، للأسف حزنت النهاردة لما قريت خبر انتحار طالب ثانوية عامة بسبب حصوله على مجموع ضعيف”.