في حالة من الثقة الشديدة في النجم العالمي محمد صلاح، أصبح ملجأ للكثيرين عند الاحتياج المادي والمعنوي، وذلك نظرًا لما قدمه من الخير دون طلب من قبل مع حالات مشابهة.
محمد مهدي عاشق لكرة القدم، أحد أبناء دمنهور، وطلاب كلية الهندسة جامعة الأسكندرية، لم يتجاوز الـ20 عامًا، إلا أنه فقد قدميه تحت قضبان القطار في حادث أليم أثناء ذهابه إلى الجامعة.
يدعم نشطاء تويتر حالته، طالبين التبرع وباحثين أيضًا عن دعم النجم العالمي محمد صلاح لحالة الشاب، كي يستطيع تركيب أطراف صناعية.
قالت أمنية، إحدى نشطاء تويتر:”لاعيب حريف كورة.. زي أي طالب بيسافر لكليته وقع من زحام القطر.. فقد رجليه الاثنين..كلنا معاك يا محمد لحد ما تقوم بالسلامة.. محمد محتاج لعلاج و أطراف صناعية هتتكلف كتير و من برا مصر”.
وشبهه إسلام بالنجم العالمي صلاح، قائلًا:”صلاح ابن البلد علشان كدا ربنا بيكرمك وهيكرمك إن شاء الله”.
وبحث عمر عن صدارة التراند من أجل مساعدة محمد مهدي:”كان ممكن يبقي أي حد فينا محدش فينا بيزهق هنبقى ترند رقم 1″.
وتحدث مصطفى اللاوندي عن:”شاب كل حياته كورة اتصاب في حادثة و تم بتر أقدامه.. ناس كتير اتكلمت و قالت إن صلاح اتبنى حالته و لكن الكلام مطلعش صحيح للأسف..رتويت يا جماعة لأن فيكم خير علشان يوصل لصلاح و تريكة”.
وطالبت ابتهال بمشاركة الهاشتاج:”لو سمحتوا ادخلوا شاركوا في الهاشتاج ده يمكن صوتنا يوصل لحد ويساعد محمد يسافر بره يكمل علاجه هناك مش هتخسروا حاجه بس فيه شاب هيكسب حياته من تاني اللي ضيعها الإهمال في بلدنا ساعدونا يوصل صوتنا لحد”.
وعرض أحمد حنفي أرقام مساعدته :”ﺭﻗﻢ ﻭﺍﻟﺪﻩ : 01007849774
ﺭﻗﻢ الحساﺏ ﻓﻲ ﺍﻟﺒﻨﻚ ﺍلأﻫﻠﻲ :
3905000914563601012″.
وعبرت نهى عن حبها لتويتر بسبب هذا الدعم :”أحلى حاجة حبتها في تويتر، أن معظم الناس بتحب الخير لبعض من غير ما يعرفوا بعض ولا حتى يشوفوا بعض، ربنا يرجعك بالسلامة يا #مهدي”.