يحل يوم 21 مارس بتذكار نياحة القمص بيشوي كامل،حيث ولد في مدينة دمنهور في محافظة البحيرة في مصر، واسمه بالميلاد قبل الكهنوت ” سامي كامل اسحق اسعد ” ( دمنهور، 6 ديسمبر 1931 – اسكندريه، 21 مارس 1979 ). وخدم كاهن بكنيسة مار جرجس فى حى سبورتنج فى اسكندريه.
كان صاحب فكرة انشاء حضانات فى الكنائس لأطفال الأمهات الذين يعملون فيها. و ساهم فى تأسيس عدة كنائس فى اسكندريه
بعد ما أتم الثانويه دخل كلية العلوم جامعة اسكندريه و التحق بقسم الجيولوجيا و اتخرج سنة 1951 بتقدير جيد. دخل معهد التربيه العالي للمعلمين و أخد دبلوم تربيه وعلم نفس سنة 1952 بتقدير ممتاز، وكان ترتيبه الاول على دفعته. اشتغل مدرس كيمياء فى مدرسة الرمل الثانويه فى اسكندريه ، و فى سنة 1954 اخد ليسانس اداب فى الفلسفه ، و فى سنة 1956 اخد بكالوريوس العلوم اللاهوتيه من الكليه الاكليريكيه فى اسكندريه و كان الاول على دفعته. اتعين معيد فى معهد التربيه العالى التابع لوزارة التعليم فى اسكندرية سنة 1957 ، و فى سنة 1958 دخل كلية التربيه فى القاهره و أخد دبلوم التخصص فى علم النفس فى اكتوبر سنة 1959.
اهتم سامى كامل، بالكنيسه منذ صغرة و بدأ يخدم فى الكنيسه و هو في سن السابعة عشر سنه، وخدم فى كنيسة السيده العذراء فى محرم بك فى التربيه الكنسيه و كان بسبب دراسته الجامعيه فى مجال التربيه مهتم بتربية الاطفال و كان دايماً يذهب للكنيسه كل يوم أحد وجمعة . . وفي تلك الفترة كانت مدارس الأحد موجوده فى المدارس القبطيه اللى حوالين الكنيسه لكن سامى كامل نجح فى انه ينقل خدمة كنايس الأحد للكنيسه نفسها و بسبب مجهوداته الكبيره، اصبح امين عام للخدمة.
وكان البابا كيرلس السادس يتحدث مع القمص مينا اسكندر عن موضوع حتة ارض كانت اشترتها البابويه القبطيه فى اسكندريه على خط ترام سبورتنج لبناء كنيسه بإسم ” مار جرجس “. لكن البابا قال انه مش ممكن بدا البناء قبل رسم كاهن ليها و فى الوقت ده دخل سامى كامل فقال القمص مينا ” أهو ده اللى ينفع يرعى شعب كنيسة مار جرجس “. اللى حصل كان مفاجاءه لسامى كامل و قال : ” بس انا مش متجوز ” فرد عليه البابا : ” الروح القدس اللى ألهمنى هيختارلك عروسه “. و اداله يومين فرصه فخرج وراح على مقصورة الست العدرا و قعد يصلى. طلب سامى كامل ايد ” انجيل باسيلى ” و كانت تريد تترهبن لكن ابونا مينا اسكندر تدخل واقنعها بالجواز من سامى كامل و تمت الخطوبه يوم الخميس 19 نوفمبر 1959. وتجوز فى 24 نوفمبر 1959.
فى اواخر ديسمبر 1954 مع فترة صوم الميلاد فكر سامى كامل فى انه يترهبن و اختار دير السريان فى وادى النطرون و ابتدا يجهز نفسه للسفر لكن ابوه مرض فأجل السفر لكن ظل مشتاق للرهبنه فكان يذهب رحلات للأديره من وقت للاخر. و كان وهو فى دير القديس بيشوى دخل المقصورة الذي توجد فيه جسد القديس وطلب منة ” أن يحمل أسم أنبا بيشوى ” لإنه كان نفسه يترهبن بإسم بيشوى.
وفى 18 نوفمبر 1959 زار سامى كامل الكرازه البابويه فى اسكندريه مع تلاميذة فى التربيه الكنسيه، وبعد ما قبل ايد البابا كيرلس السادس قاله انه اختاره يبقى كاهن و انه هايرسمه بعد اربع ايام .
تنيح القمص بيشوى كامل فى 21 مارس سنة 1979 بعد حياه مليئه بالعطاء و المحبة
فى 2 ديسمبر 1959 سيم سامى كامل كاهنٱ بإسم بيشوى كامل على مدبح كنيسة مار جرجس فى سبورتنج فى اسكندريه. فى الوقت ده الكنيسه كانت لسه عباره عن مبنى صغير من الطوب الاحمر، و اتجهز المدبح عشان يترشم عليه ابونا بيشوى كامل.وعقب ذلك اتجة على دير السيده العذراء للسريان، للقضاء فترة الاربعين يومٱ ، و بعدها رجع اسكندريه عشان يشرف على تكميل بنا الكنيسه اللى خلص بناها و اتكرزت سنة 1968 و بقت من اشهر و اجمل كنايس اسكندريه.
وخدمات أبونا بيشوى كامل امتدت فى نواحى اسكندريه و بقى زى ما يكون كاهن لكل اسكندريه.
فى نوفمبر سنة 1969 إنتدب البابا كيرلس السادس القمص بيشوى كامل لخدمة في لوس انجلوس فى امريكا ليرعى ابناء الكنيسة المصريه القبطيه فى المهجر.