طالب نشطاء موقع التواصل الاجتماعي “تويتر”، بإقالة كابتن حسام البدري المدير الفني للنادي الأهلي، بعد خسارة فريقه بالأمس، للقب البطولة الأفريقية وفوز نادي الوداد المغربي وتتويجه بطلًا للأمم الأفريقية.
طالب جابر بـ:”رضا عبدالعال مدير فني”. ورأى أحمد أنه:”لازم يمشي علشان ميتكررش المنظر ده تاني”.
وسخرت دودي الزمالكاوية من خسارة الأهلي :”ودادي ودادي وداااادي .. لك حبي و فؤادي”.
واعتبر العندليب أنه سبب ضياع البطولة:”ضيعلنا البطوله بغروره ده”.
وأكد النجار على ذلك:”بسبب حسام البدري وإستراتجيته الفاشلة خسرنا أفريقيا وده يثبت أنه مدرب فاشل”.
ورأى صمويل أنه لابد من رحيله:”ارحل وخد كل اللاعيبة العالة معاك لازم وقفة وتغيير جذري”.
وعبر مينا عن غضبه الشديد من إقصاء البدري لبعض اللاعيبة:”فاكر نفسك جورديولا وزعلت كابتن عماد متعب وطفشت كابتن غالي منك وفي الاخر المحصله صفر”.
وطالب صابر بعودة كابتن مانويل جوزيه:”رجعولهم مانويل جوزيه تاني يا جدعان ميصحش كدا الناس بتضيع”.
واستنكر أحمد البحيري طلب إقالة البدري، قائلًا:”من أسبوع بالظبط كان مدرب عالمي وهزم النجم 6 ولما ضاعت البطوله بعد مكناش بنوصل نهائي أصلا وبسبب الحكام و دلوقتي تهاجموه”.
وأكد على ذلك بهاء:”خسرنا ماتش ايه اللي حصل يعني! لسه مشوارنا في البطولة الأفريقية منتهاش و لو خرجنا إيه يعني مش لازم نكسب كل البطولات”.