عارف لعبة الرولر كوستر المعروفة بإسم قطر الموت اللى فى دريم بارك
لعبة فيها كمية من الأكشن و الرعب و التخبيط رهيبة ……
طيب جربت تركبها و عارف احساسك و انت راكبه
اهو قطر الموت دة هو نفسة بعينة بغباوتة الدنيا اللى إحنا عايشين فيها …….
فينا اللى بيصرخ خوف 😨 ……
و فينا اللى بيصرخ ألم من الخبطات اللى بناخدها فيه 😔 ……
و في اللى فرحان فبيصرخ من الفرحة و مقضيها ضحك و دة غالبا عندة حول فى مشاعرة 👀 ….. أو جايز بيحاول يبين انها لعبة لطيفة فبيضحك
و فى اللى قاعد ساكت 😷 و ساعات كمان تلاقية بيمسك ايد اللى جنبة علشان يطمنة …. لو لمحتة تقول مجنون …. إزاي مش بيصرخ و فى عز اللى هو فية بيفكر فى اللى جنبة ……. لكن هو فى حقيقتة مش مجنون و كمان بيصرخ بصوت أعلى من الكل ……. لكنة بيصرخ فى صمت خايف 😨😱 يكون صراخة سبب فى تعب و إرعاب اللى حوالية مش عاوز يزيد خوفهم و صراخهم بصراخة 😳😔 ……… بيبان متماسك علشانهم
لكن فى النهاية الكل بيصرخ و غالبا محدش بيسمع غير صوت صراخة بس و محدش بيصعب عليه غير نفسه لانه محدش اتعود يحس بحد …… إلا القليلين جدا اللى عاملين زى الورد اللى طلع و نبت وسط جنينة شوك
حافظ على الوردة اللى فحياتك