إلا قال أنت إزاي!
تقرب مهما نبعد
أو شعبك بقى نساي
ينساك وييعد
ينساك ويعصيك
ولما تجيله
بنفسه يجرح فيك
هو أنت بجد؟؟
وآه فعلاً عاوز أحضنك
ما أنت سيدي
وربي وإلهي بعبدك
يمكن بعصاك
يمكن بنساك
وأنا نفسي
الشخص اللي بإيده أذاك
ليه بس تعمل كده؟؟
ليه بتدور على خروف
كان نساك قصاد متعة
وافتكرك وقت الخوف
ليه دايماً شايفني يوسف
وأنا طول الوقت كنت شيطان
ولا اتحملت في يوم زي أيوب
وقولتلك أنا ضعيف ما أنا إنسان
ووقت الجمايل
لا بسبح ولا برنم زي داؤد
وقلبي بس بيذكرك
لما بكون في وادي ظل الموت
ليه بس قبلت صليبك
لاجل واحد اقتنص قضية الموت
ليه مصر دايماً تحرجني
وتديني فرصة ولو في بطن الحوت
أنا باراباس
خطيتي مالية قلبي وحياتي
وأنت بكل سهولة
اديتني فرصة أعيش عادي
وأنا ملخس
جيت أصلبك وخطيتي جرحتني
وبكل حب
بإيدك الطيبة لمستني وشفتني
إزاي بس بتتلكك
لاجل تديني حياة
وأنا بتمتع بغرس المسمار
وصوتك بيتألم ويقول آه
أنت يا سيدي
حولت لي العقوبة خلاص
بشعبك أنت
أكتر واحد حساس
تربطه بالأدوية المؤدية للحياة
ولو سكت بتكون أنت بيه عليم
وإن جالك مكسور تجبره
وترجعه تاني سليم
يا سيدي كام كان قاسياً
مش بس صلبك بس كان بعدي كمان
افتكر السعادة هناك
وألاقيني بس هناك بتهان
رجعني لحضنك
وضلل عليا بايدك
وسامحني لاجل في لحظة ضعف
بكل سهولة ببيعك
وسامحني على تقصير
وسامحني على تكسير
وألم كتير
بسببه ليك
ما أنت أبويا
ومكاني دايماً عندك
وبابك دايماً مفتوحلي
مهما أجري وأعاندك