aانتشرهاشتاج “بإيدك_يامصري_تنقذ_اقتصاد_بلدك” بين نشطاء تويتر بعد الاحداث الاقتصادية المتلاحقة التى تمر بها البلاد. فجاءت التعليقات فيه مابين مرحب ورافض ومعارض علي الامر ونذكر منها:”لما يعوزنا بنبقي شعب مصر العظيم ولمه نعوزه اديك منين ، نتهان ونموت والتهمة بلطجى او ثورجى او اخوان.معلش مش قادر ادى” وعلق اخر “بشوية توفير هنبنى بلدنا من جديد بأيادى المصريين ” وعلق اخر “بلدكم أمانة حافظوا عليها مهما اتغربت وجمعت فلوس ملكش قيمة من غير وطنك” وغيره “الحلم هيبقي حقيقة بلدنا كلها خير مشروعات كتير عايزاك تساهم فيها مع السيسي”وجاء في تعليق اخر “والنبي بلاش الينييه والفامييه وكل ماهو اييه شجع الصناعة المصرية ووفر الدولار ، قيمتك في نفسك مش في مشترياتك” وعلق اخر”بالعمل العمل الجاد لو كل واحد يراعي ضميره بلدنا هتبقي حاجة تانية “وجاء تعليق اخر “لكل مغترب بيحب مصر حول اموالك عن طريق البنوك المصرية وساهم بجزء بسيط في اقتصاد بلدك”وعلق اخر “احذروا شركات الصرافة الاخوانية بالخليج يحولون للمصريين ويسلموهم بالجنيه بمصر ليساهموا في زيادة سعر الدولار” وعلق اخر “مايحك جلدك الا ظفرك مش كده باردوا”وعلق اخر “لو مش هتدعم بلدك حاول ماتكون شوكة في ضهرها” وجاء في غيره “ملناش غيرك يا أم الدنيا وهنعمل اي حاجة علشان بنحبك”وغيره “اشتري المصري وقاطع الاجنبي واستغنى عن الكماليات المستوردة .انت تقدر تسير اقتصادك لانك المستهلك اللي بيصرف”بينما جاءت الكثير جدا من التعليقات المشجعة للنهوض بالاقتصاد المصري بأيدى المصريين وحماية البلاد وتجنب رفع أسعار الدولار.