وعشان انتي دايما مسند
مهما دماغي الناشفه بتعند
يفضل حضنك هو المأوي
اللي يجبر يبني يشدد
جوا الشده و كلمه لأ
الف ميت ‘معلش’ تصالح
حاسبه الخطوة اللي نخطيها
انت كرم البيت الطارح
بس فأي خروجه و فسحه
تخصص اي ام فضايح
ما علينا
حاسه بخوفها رغم انه
فوقت كتير جدا بيزيد
عن خناقه كل يوم
ولا خروجه لبس العيد
ما علينا
قلب الأم مبيخيبش
ومفيش مسافات تعطله
ابقي اتخطفت لو رنت
وانا مسمعتش فمردتش
ماما ببصه تنقي صحابي
واحده واحده بالتفصيل
بس نقول الحق و نشهد
رأيها بيكون مالوهش مثيل
ماما الرقه الحضن الطيب
ماما الحلوه قلب قريب
ماما كل كلمه تشجع
ماما اساسا اكبر مرجع
ماما زعيق بالصوت العالي
ماما في وسط الضلمه تلالي
ماما الخوف فإطار الحب
وهي بس تشوفني مدب
ماما عقاب م النظره الواحده
ماما الضحكه ماما السنده