فوت الدنيا ف توهة يومها
ضحكوا عليك بـ الغوص ف همومها
لما قالولك عيش أيامها
فكر فيها ساعة بساعة
فكر فى المستقبل لحظة ..
لما تكون الدنيا مجاعة
هتعمل ايه ؟
لما الميه تسيب منابعها
والدم يغرق شوارعها
وقت حروبها
يوم ما دروبها تبور م الشر
هتعمل ايه؟
ضحكوا عليك بـ الغوص ف همومها
لما قالولك عيش أيامها
فكر فيها ساعة بساعة
فكر فى المستقبل لحظة ..
لما تكون الدنيا مجاعة
هتعمل ايه ؟
لما الميه تسيب منابعها
والدم يغرق شوارعها
وقت حروبها
يوم ما دروبها تبور م الشر
هتعمل ايه؟
ممكن كلمه..
مين الدنيا
وإزاي هتنفضلك هِدمه..
وهي هدومها مش مغسوله ؟!
انت تصدق إن الغوله
تبقى علاج للـخايفين منها
بص لفوق وارفع اوي نفسك
وانسى الناس والحاصل تحتك
مد ايديك للخالق ربك ..
هتدوق حاجه جديدة تشدك
ولو الدنيا حارة سـدَّك
تبقى الدنيا انت اللي سلامها
فوت الدنيا ف توهة يومها
فوت الدنيا ف توهة يومها