ياللي كتير بتزرع شر
حاسب أوعي ف يوم تتغر
أوعي ف يوم يزيد غرورك
ويبقي فكرك شر ف شر
أصل الشر ماله احساس
وكتير وقع ناس ف ناس
ياما كتير خرب بيوت
وقفل بابها بالترباس
شوفوا كمان شر أخاب
لما قالها بعلو الصوت
أني ف يوم ما راح أنام
غير لما أخد حقل نابوت
علشان جواه زاد الشر
وكتير كان فكره بينغر
فكر فكره كان صحيح
فكره كان مليان بالشر
جليات كان قاسي مغرور
كان فيه قوة تهد قصور
علشان شره زاد جواه
مات بسهولة زي العصفور
كتير الشر قليل أحساس
وياما دمر ناس في ناس
خلي الناس يدوسوا بعض
حتي أن كانوا اعز الناس
الشر عمره ما كان نور
وياما كتير كسر دهور
ياما ضيع ناس ف الظلمة
بعد ما كانوا جوه النور
الشر كتير ضيع غلابه
كان ضياع بسبب ديابه
داسوا كتير ياما عليهم
وقالوا أحنا أقوي صلابة
خليك فاكر أنت وهيه
أن الرب يده قوية
ولا يوم كانت يده ضعيفة
أو حتي راخيه ومنحنية