الليل يفرّق
مين اللى قال !
ده الليل بيجمع
بين السكون
وايا عيون
مدماعين
جفون م الفرحة
مفنجلين
الليل فى اخره
زى الكمين
يقفش ف حزن مستخبى
ضحكة فايتة من سنين
يجمع ما بين اتنين يّحبُه
يجمع ما بين اتنين يّسبُه
يّوصِل ما بين السهرانين
يفتح عيون مقفلين
ضحك السهر
وقت السَحَر
تبدأ مواويل الحنين
فلان ده قال
علان ده عاد
كتر الكلام
أصبح قتال
يا مين يسّكت الجميع
يا ليل ياللى جامعهم
تحت قمرك
قدرى و قدرك !
مش معلومين
جايز متجمعين
يمكن متفرقين
بس الاكيد
اللى ما بينا
قادره تحكيه السنين
تحميه ل ليل
قادر يجّمّع