كذا حد من حبايبي اتعرضوا لتعب مفاجىء في الصدر الأيام اللي فاتت ولما زاروا الدكتور طلب منهم انهم يعملوا قسطرة على القلب .. وفهمت تفاصيل جديدة عن الجهاز ده وعن اللي بيعمله .. فعلاً معجزة بشرية مش بس للاسكشاف لكن كمان لتوفير الحل في نفس ذات الوقت .. القسطرة على قد معلوماتي المتواضعة (وأرجو من الدكاترة مراعاة جهلي) هي عبارة عن منظار بيدخل بأنبوبة لحد القلب ويستكشف الموضوع .. بس الامر مش بيتوقف هنا .. لو تم اكتشاف انسداد في الشرايين، بيقوم بتثبيت دعامة تفتح الشريان ده وتساعد الدم على التدفق من جديد وبالتالي تتحل مشكلة الألم والخنقة اللي المريض كان بيعاني منها ..
من شوية وانا مخنوقة وباصلي .. شعرت بنفس الشيء .. الروح القدس العجيب اللي لما اجي وأقوله “اختبرني واعرف قلبي .. وانظر ان كان فيَّ طريقاً باطلاً”، بييجي على طول يعمل كده .. ولما يحدد المشكلة مش بيسيبني لكن بيركب دعامة تساعد روحه القدوس .. روح السلام والفرح انه يرجع يتدفق تاني في قلبي .. “ويكمل كاتب المزمور القصيدة وانا معاه “وانظر ان كان فيَّ طريقاً باطلٌ واهدني طريقاً أبدياً” مزمور ١٣٩
حقيقي يارب “الظلمة لا تظلم لديك والليل مثل النهار .. يضيء” .. هللويا