زمان
كان كل بيت فيه اريال حديد كده على السطح كان بيجيب الاولى والتانيه وكان دايما بيبوظ قبل الماتش على طول!!
لما كان بيبوظ كان لازم فريق عمل كامل يصلحه واحد قدام التليفزيون يشوف ويبلغ اللي واقف على السطح بيلف الاريال عن طريق وسيط واقف في السلم او البلكونة
اللي كان فوق على السطح وفي ايده الاريال لا كان شايف تليفزيون ولا عارف وماشي بناء على كلام اللي بيشوف التلفزيون وكان بيجرب .. سنة يمين كمان سنة باااااااس…لا جت جامدة ارجع سيكا. ..الله ينور عليك .. اللي ماسك الاريال كان بيجرب ومش شايف حاجة
المهم بقى .. انا حاسس ان حكومتنا شغالة بنظرية الاريال ( اللي انا اخترعتها ) هو يجرب وبيلف الاريال .. تعالى نجرب شمال؟؟ لا مجتش الصورة باظت
طيب ارجع يمين ؟؟ لا برده مش حلوة .. هات في الوسط كده؟؟ اه شغالة شوية اثبت على كده
المهم ان اللي بيلف الاريال وفي ايده الكنترول مش شايف التلفزيون بس بيعتمد على ناس بتبلغهه او توجهه حتى لو الناس اصلا عندها عشى ليلى وهما كمان من شايفين .. والصورة بقى تبقى زي ماتبقى .. مرة تبقى حلوة ومرة زفت واهيه ماشيه
ادعولنا نركب دش ونخلص من الاريال !!!
لان اللي بيلف الاريال مش عارف يظبطته وعمال يجرب ومستني يسمع كلمة اثبت على كده اللي ينور !!