* * كل واحد منا يحلم أن يكون لديه فلوس لا تعد يفعل بها ما يشاء كأن تكون مليونيرا أو مليارديرا.. فهل أحلامك بسيطة كحياتك البسيطة أم حلمك يحتاج حقا للميار جنيه كي تحققه؟ من هذه الإجابات ستعرف مدي تفكير البعض منا.. وهي نماذج حية من المجتمع فهل مازال بيننا من يحلم ببساطة الشارع المصري؟. أم هناك من يذهب بأحلامه بعيدا وراء الانفتاح الذي يشهده العالم وما نشاهده علي الفضائيات. فكيف تحلم لو معاك مليار جنيه؟؟..
* أهو المليار كام ألف؟ والله ما أعرف.
مصور
* هأكل الغلابة إللي في منطقتي.. دول كتير قوي.
عامل من القليوبية
* هاصرف من غير حساب مش زي ما بعمل كل شهر.
موظف
* طبعا هاجيب شقة في حي راقي وعربية والباقي في البنك وأبقي بيه.
طالب جامعي
* مش عاوزة طموحات قديمة.. أنا عاوزة أتجوز.
طالبة خدمة اجتماعية
* مش هافتح المحفظة بتاعتي كل يوم وأشوف فاضل فيها كام.
مهندسة
* هاركب مواسير ميه حكومة وصرف صحي وأرصف الشارع في المنطقة إللي ساكن فيها.
قهوجي
* مش هاقعد في البلد.
خريج جامعة
* هاعمل قرية سياحية زي إللي بشوفهم في الإعلانات دول حبة قري هايطلعوا من عيني.
صاحب محل
* هاشتري مكيروباص وأبقي أسطي عليه.
سائق
* هاعمل العملية في رجلي واشتري بيت كبير أجمع فيه كل ولادي وأعيش إللي باقي من عمري وسطهم.
سيدة مسنة