وكان مضمون الخبر هو شهادة سيدة بالاجتماع إنها رأت السيد المسيح بجوار القمص مكارى يونان في عظة كان يؤكد فيها ويقول: “انكم اليوم سترون عجباً ، وساقت تلك السيدة ادلتها على هذا الظهور
نقلت وطنى شهادة تلك السيدة اذ عهدت وطنى على تغطية هذا اللقاء الأسبوعى ونشره على موقعها .. وكقواعد صياغة الخبر الصحفى لم اقحم رأيي ككاتبة للخبر بل نقلته مجردا من أي انطباعات أو آراء شخصية .
ورغم ما حظى به الخبر من عدد هائل من “اللايكات والتشييرات” اي الاعجاب بالخبر ، فقد تباينت ردود الأفعال على الجروبات والمواقع المختلفة ، وهذا ما سوف نعرضه عليكم في هذه التغطية
معجبون
أكثر التعليقات حملت تمجيد لاسم الرب فقالت لسان العطر “لك القوة والمجد والبركة والعزة” وقالت منيرة خورى ” ليتمجد اسم الرب صلى من اجلي ياابى ” وميفو كامل قالت ” طوبى لمن آمن ولم يري” وقال جوجوميرو ” الله انت جميل قوى يارب”
وقال الفونس غطاس ” السيد المسيح قال السماء والارض يزولان ولكن حرف من كلامى لايزول وهو قال من اجتمع اثنام وثلاثه باءسمى اكون فى. وسطهم فعلا يسوع كان فى وسطهم نعمه كبيره لشعبك يارب اتمجد معانا ملناش غيرك يارب بتسامحنا وتشفى امراض نفوسنا واجسادنا وتعطينا البركه والسلام والمحبه والشفاء لكل مريض يارب اتمجد”..وكتب رفعت نبيل ” مبارك اسمك ايها الرب الاله … انت هو الصانع العجائب والمعجزات كلى القدرة والسلطان .. لك القوة والعزة والمجد والبركه .الى الابد أمين”
وكثير منهم سأل عن موعد إعادة الحلقة على قناة الكرمة لكى يشاهدوها
واعادوا تعليقاتهم بعدها بتمجيد اسم الرب
ظهور اخر منذر بأحداث ماسبيرو
وتضمنت التعليقات شهادات أخرى لمن رأوا ظهورات مماثلة من قبل فقالت امل حنا: “حصلت معي فبل احداث ماسبيرو كنت اتابع ابونا مكارى قدام التليفزيون فى البيت وابونا مكارى بيصلى شفت على الفرجية بتاعتة صورة العدراء ابيض واسود وهى حزينة وبرضة افتكرت انى بيتهيالى وقولت لعيالى ومحدش اهتم وتانى يوم حصلت احداث ماسبيرو”
معارضون
وعلى جانب آخر عبرت التعليقات عن عدم تصديقها الظهور تباينت حدة الاعتراض وكان ابسطها ماقاله ريمون ثروت “اللي اعرفه ان اللي عايز يشوف المسيح كل يوم يروح القداس ويتناول وساعتها مش بس هيشوفه لا دا هياخده جواه كمان واصلا اجتماع ابونا مكاري فيه شكوك كتير فبلاش نجري ورا كلام وخلاص. اللي عايز المسيح يروح الكنيسة ويتناول “
وماقاله اشرف فرنسيس “سامحونى انا مش مقتنع بالظهور ده دى صورة متداولة فى كل بيت السيد المسيح لما يظهر مش هايظهر بصورة معروفة لدينا ممكن نفس الصورة دى ينزل منها دم او زيت تعبيرا عن مجد الله او حزنه على البشر ولكن يظهر بصورة موجودة لدينا ماعتدقتش ليه لان كل الصور المرسومة مش هى الحقيقة إلى شخص رب المجد .
( على فكرة الموضوع ده لتمجيد شخص معين ) ايه السبب ربنا يعلم ( انا اسف ياجماعة على تعليقى على فكرة انا مسيحى ارثوذكسى وبقتنع بكل الظهورات بس دى زى ماقلتلكم ده لمجد شخص معين وجذب ناس كثيرين لهذا الاجتماع وليس فى خلاف او
“كراهية لابونا مكارى بس الله يعلم بكل شيء”
وقال الأب مكرم ” يا جماعة دة مونتااج الشخص اللي قاعد ع الميكسر هو اللي مدخل الصورة .. وهو اللي لازم يطلع .ويقول عشان يفصل ما بين الصح والكذب بلاش نجري ورا أي حاجة وخلاص لان دة بيقلل من قيمة المعجزة .لما تحصل بجد”