بمناسبة مرور 110 عام على تأسيس النادي الأهلي، دشن نشطاء موقع التواصل الاجتماعي “تويتر” هاشتاجين بعنوان “110 سنة أهلي” و”اتعلمت من الأهلي”، ليغرد مشجعي النادي الأهلي بأسباب فخرهم واعتزازهم بناديهم.
تعلم محمد :”اتعلمت من الأهلي، إن لازم اكسب جميع البطولات الشاركنا فيها و إن كل يوم تحدِ جديد”.
أما محمد الموافي، فقد تعلم :”أني أؤمن أن انتظر لآخر لحظه وأن مسيري هكسب أكيد وإن لو في يوم تعبت أكيد مش هيأس وإن المحنة هتقويني مش هتضعفني”.
وفخر أحمد ، قائلًا :”الفخر أني لما حد يقولي بتشجع مين أقوله الأهلي”.
أما علامة البسمة فقالت:”الإصرار مفيش حاجة اسمها مستحيل في عز ما بتبقى الناس كلها بتقول الأهلي مستحيل يكسب تلاقي بيكسب و يفرحنا”.
أما آية :”أني اكون رقم واحد في حياتي وكل حاجة، وأني عندي إصرار لحد ما أوصل للي أنا عايزاه”.
واستنكر غنيم بعض التلميحات ضد الأهلي، عن فوزه بالحكام:”أني لما اخسر انتقد الغلط مش الحكم”.
وكذلك إيهاب لم يفقد الأمل مع ناديه:”إن دايما مفقدش الأمل في حاجة و دايما لو عندي حاجة مش عارف أحققها بالعزيمة والإرادة هحققها بإذن الله”.
وأكد ماستر لوكال، على أنه تعلم :”الانتصار وبس حتى لو اتكعبلنا في الطريق نقوم ونكمل وهنوصل للهدف”.
وتعلمت ديدا :”الأمل والمباديء والانتماء”. وكذلك شيماء :”إن مفيش مستحيل وإن المحنة آخرها فرحة، علمني إزاي أدافع عن الحرية والحق الأهلي مش مجرد نادي بنشجعه دا كيان بنعشقه”.
أما هشام فنظر إلى :”أن الأساس الصح هو البداية لكل بطل”.
وتعلم إبراهيم الوفاء :”اتعلمت يعني إيه انتماء لشيء يعني إيه أحب حاجة واخلصلها في حبي وأكون متحمس أني أخدمها بأي شيءء أملكه اتعلمت الوفاء منك يا أهلي”.