في محاولة إيجابية للارتقاء بالوطن، دشن نشطاء موقع التواصل الاجتماعي “تويتر” هاشتاج، محاولين فيه المشاركة في الارتقاء ببلدهم، عبر الأفكار التي ستنبعث من أفكارهم.
وقد حرص الكثيرين على المشاركة بتغريدات مليئة بالمشاعر الطيبة والأفكار البناءة.
قال أحمد :”يجب علينا الالتزام بالقانون والنظام في كافة نواحٍ الحياة، وإتقان العمل من أجل النجاح”.
واقترح ميدو :”تشغيل المصانع اللى اتقفلت وتطوير العمل بها.” وتابع :”إحنا لازم نخلي بالنا من أي فاسد ونبلغ عنه، علشان الفساد ده هو السوس اللي بينخر في جسد الوطن”.
أما سالي فرأت أن :”مصرنا الحبيبة تمتلك الفرص الاستثمارية الزراعية.. لابد من الاهتمام بالزراعة”.
وكان لبمبة هانم اقتراح مختلف :”ياريت نرجع تاني حصة المكتبة، في المدارس بحيث الطالب ياخد فكرة عن أي كتاب يختاره ويقدر يستعيره ويقرٲه في البيت”.
وهذا ما أكد عليه وجيه الشاعر:”ياريت المدارس تعمل حصة تكون للقراءة فقط، وكل طالب يدخل المكتبة ويختار الكتاب اللي هيقرأ فيه، ونعلم ولادنا إزاي يفكروا”.
ويرى مصطفى الصيرفي، أن الحل في :”أنك تتخلى عن السلبية، وتكون إيجابي حتى في تربية الأولاد وتكبر انتماء الوطن ليهم وهي دي البداية”.
بينما يرى مجدي المصري:”لما نتعلم ثقافة الاختلاف وأن اللي مش معاك مش ضددك ولا عدوك”.
وعلق ماستر لوكال، على سلوك الأفراد:”لما الناس تشوف أي حاجة غلط في الشارع من سلوكيات للبعض، وياخدوا معاهم موقف مش يبقوا سلبيين ويكبروا دماغهم”.
ورأت نرمين الارتقاء في :”لما نتخلص من سياسة اهبش واجري، ونستبدلها بالتعاون وتبادل المنفعة والتكامل والمنافسة الإيجابية”.
أما مروى آل جلال، فاقترحت :”التربية والتعليم، لازم نرتقي بمدارسنا وتعليم أجيال المستقبل والمناهج التربوية وثقافة المعلم، التربية أهم من التعليم”. وتابعت :”قاطع المستورد ورشد استهلاكك وشجع منتج بلدك قاطع الغالي يرخص”.