تفاعل مستخدموا مواقع السوشيال ميديا مع حادث قرية الفرن، ساخرين من منع الصلاة بدعوى عدم وجود رخصة، فقامت وطني برصد بعض من ردود تلك الأفعال، فكتب أحد النشطاء “اجتماع صلاة عدد 300 فرد الراس تعمل كام والفحص ايه اخباره.” وكتب اخر “عاوز ارخص صلاة بس قلقان من الاختبارات. بلد الصلاة فيها لله برخصة. وكتبت فتاه “حد يعرف امين شرطة رخصة الصلاة بتاعتي خلصت وعايز اجددها علشان الطوابير كبيرة “.
وكتب آخر ما تخيله للائحة باسعار رخص الصلاة “تعلن وزارة الداخلية عن فتح باب التسجيل للاخوة الاقباط لاستخراج تصاريح الصلاه وتشمل الاتيباقه ألفا:- تصريح بالصلاه لعدد 4 افراد يشمل حضور قداس واحد في الاسبوع وحضور اجتماع روحي واحد بتكلفة 300 جنيه وباقه برميم :- تصريح بالصلاه لعدد 6 اشخاص يشمل حضور قداسين في الاسبوع وحضور 4 اجتماعات روحيه بتكلفة 500 جنيه في الشهر.”
واستمرت تعليقات السخرية ومنها “فرصه في كارت صلاة طالع تصلي شهرين وتاخد التالت مجاني ساعتين في الاسبوع وممكن تشحنه لو المتشددين والأمن وافقزا” ..ورد اخر “لازم تقدم كشف نظر وبَاطِنَة وكمان شهادة خلو موانع مع المتشددين الجمال” ويرد اخر على غرار فيلم سلام يا صاحبى “شخلل علشان تصلي”.
وسخر اخر “متنساش وانت مسافر بره تعمل رخصة صلاة دولية.. حد يعرف مكاتب تراخيص القداسات فين.. هو فى فترة سماح صلاة طوارىء ” .
وكتب آخر “الشروط مالها بقت صعبة كده لاصدار تراخيص الصلاة عايز صور البطاقات وموافقة المتشددين بالقرية وموعد الصلاة وعدد الدقائق ونص الصلاة ده بقت شروط صعبه عن زمان”.
وكتب آخر “حد يعرف العقوبات الخاصة بالصلاة بدون رخصة ولو كان فى الشارع يبقى ايه والبيت وبالنسبة للجنازة لازم تصريح صلاة وانا اعطيت امين الشرطة 20 جنيه علشان اصلى هل تجوز صلاتي”.
وكان قسم شرطة ابوقرقاص ومجلس مدنية ابوقرقاص قد حررا محضر رسمي ضد أقباط عزبة “الفرن ” التابعة لمركز ابوقرقاص بتهمة اقامة شعائر دينية بدون تصريح، فقام الامن بغلق مبنى كنسي تابع لمطرانية المنيا داخل العزبة بعد منع دخول الاقباط وكاهن القرية للصلاة صباح أمس الأحد.